السسسسلام عليكم

مساااكم الله بالخيررر كـــلن بسسسمه

هذي طال عمرررركم واعماار عيالكم .. يوم من الأيام يمكن قبل شهرر تنقص اسبوع او تزييد ما ادري <<< ناسي
المهم الجوو كان بررق وررعــد قلت طلعه البر مهب ششينه تدور في الراس
وانا في الدوام مغير ادقدق على الدشيررر كلن مشغول قلت أببد مافيه إلا صديقي الصدووق فيصل
وادق الووووووووووووو فيصل
فيصل/ هاااهـ ووش تبي <<< ماعنده اسلوب توه صاحي من النوم
انا/ فيصــل ووش رايك نطلع للبررر
قال لااه عندي جامعه مانيب طالعه إلا الساعه 1
قلت خلاص انا بجهز العده والووعـد

إذا طلعت من الجامعه الوعـد عند مخررج 10

المهم وانا اللي يروح ينقزز في وجه المديرر في الدوام قلت هااه يابوو فلان عندك شغل عندك شي نسويه تبي نفصل ولا ننقل موظفين ماعندي مانع خخخخ
قال ووش عندك اخلص لاتلف وتدور <<< معروف باللف والدوران
قلت يامديررررررري والله اني مشغوول ولاازم أطلع قااال أجلسسسس خلص شغلك قلت تعررررف وقت امطاارر وسيوول قال لاتقوول تبي تطلع للبرر قلت لااااااه أعووذ بالله وش لناا فييه بس بروح أجيب أخواتي من الجامعه والمدارس <<< نصااب كبيررر
عاد صدق وخلاني اتررخص وانا اللي ينقزز للبيت واشووف امي توها صاحيه الساعه 11 قالت هوو منحااش من الدوام قلت لااه مستأذن واجهز العززبه والحطب والمهم واطلع لمطعم بيت الشوايه <<< انصحكم فيه.. وانطل عليييه الحافظه قلت عبهااا فُــل
جت الساعه 1 وادق على خويي فيصل واعنبووو داره مقفل جواله
جت الساعه 1 ونص ومقفل قلت اعنبووووووو دارره سحب عليناا
وانا اللي يدور في الحاره محززن واشوف ولد جيراننا قلت ووش عندك قال فاضي قلت تخاوي للبر قال قداام <<< ماصدق على الله احد يقوله امشش
أول ماركب قلت له وانت على الرررررريحه تصدق.. وانا اللي يمسك الدائري ونفسسه مقفله معه المششكله أني مواعد فيصل يجيب معه خنبقه وحلاو من هالطقه المهم ويدق الجوال وانا اللي اشوف اسمه ظاهر عندي بغيت انطل الجوال مع الدريششه
وأرد عليه قلت يالوووووووووووووووووح ووينك ؟؟؟
وهو اللي يضحك وتقفل معي زود قال والله في الجامعه توني طالع قلت اييه اخلص علي انا حول مخرج عشرره مر البقاله ولا تنسى اللبن والحليب تراهن أهم منك.
المهم وامرره وندربي روسناا في الثمامه عاد سيارتي صغيره وانا اللي جلست اوسوس وش رايكم نوقف فيذاا ولا لا قال فيصل مهبول انت نسسسم كفراتك وخلنا نطب نطاعس قلت اييييييييه حلال مهب حلالك تبي تحوووسه المهم قال ماعليك منحب مغرزين قلت طيب نجرب وانا اللي يوقف ويطلع من مخبااته مفتاااح الملحق وانسم الكفرات قلت هووى اركبوو واول ماطبيت علطول مصدق نفسي معي جيب وانصى ذيك الرادميه برقاهاا مادريت إلا الموتر متعـلق قلت يادشيرر ترانا غرزناا وهم اللي يسبون فيني المهم دف لاتدف مااش خششنا صارت كلها تراب من هالحفر .قلت اصبرو بدخل تحت السياره برفعهاا <<< مسوي نشيط
مادريت إلا فيصل يصفقني بالفرشه على راسي قال حطهاا تحت الكفر ياجنط << من عقب ماغرز فيهم وهو خايف
المهم دف لاتدف مااش ويوقف جيب ماقصرر ويدفناا ويطلعناا المهم طلعنا على الشارع العام قلت بدخل الحين بقووه << مايتووب أبد ..مادريت إلا الكف جايني من ورى يمشي خمسس ميه من ولد جيراننا قال حول بسس قال فيصل ان غرزت بجلدك قلت اجل سق انت المهم اول ماطبينا ونغرز بنفسس المكاان وانا اللي ارجف فيصل برجلي ويطيح مع القزازه <<< خطيررر
قلت اعنبووووووو دارك مسوي فاهم وخليتناا نغرز في نفس المكاان خليت الناس يضحكون علينا وانا اللي يسحب المفتااح من السلف قلت نزلوو العفششش..وانزل وافرش الفررشه واجيب العده وادور العيال واحد رايح يصور والثاني يتفررج على الأجواء وانا اللي يمسسك بيده الملاس واصفق فيه واحد منهم قلت امشش ياجعلك الريح المهم تونا فارشين سماطناا واقرب الحافظه وادور الصحن ماش مافيه صحن قال ولد جيراننا عندي فكره قلت وشي ويفتح الحافظه ويكب الرز في السمااط وانا اللي بدت تجي براسي علامات استغراب وتعجب قلت وسخ انت ؟ قال وراه قلت اعنبو دارك هالسمااط قدييم في العزبه مستعمل قال مايظره انا بغيت اصفقه بس مشكلته يستحي من فيصل توه يشوفه معي
وجلسنا ناكل واللي يغص اصفقه على ظهره صاير تسني ابوهم المهم ويوقف جمبنا راعي جيب نفسسه اللي طلعناا وينزل من السياره قال وين الشاهي قلت اعنبو داره وش جابه هذا مهب وقته. قال فيصل انا قلت له اقلط معناا وقال بجي بعد شوي .. وانا اللي اصكه براشدي على خشته عاد كلها رز وزيوت مادريت إلا اشوف خشته في الرز قلت ورى ماعلمتني قال نسسيت قلت من ردااك. المهم وانقز واجيب الحطب واشب على الشاهي <<< سنع
وفيصل والثاني يتغدون قلت اخلصووووو علينااا المهم جلسنا نتقهوى مع الرجال اللي جايننا وتاخذنا السوالف وينقز فيصل للسياره يجيب بطاطس ليز وانا اللي يشوفه بطرف عين واحقد عليه..
شوي ويستأذنون الرجال ويمشون وانا اللي يلحق فيصل بحطببه <<< ماعنده مززح
قلت لابووك من تسلب فشلتناا عند هالبدو جايب لهم بطاطس ليز قال وانا وش يدريني انهم يحبونه قلت ايييه تحسسبهم مبزره مثلك ,,

المهم تزاعلناا شوي بس تراضيناا آخر شي <<< شاعر

وحنا راكبين قلت الحين وش يطلعناا نقز فيصل قال انا بسوق وانت احفر الكفر اللي قدام قلت طيب
وانا على نياتي احفر واحفر مادريت إلا الكفر يدور صار راسي تسنه نعامه اندفن في الأرض وانقز عليه من فوق الكبووت واطب في بطنه وولد الجيران يفك بيننا قلت هذاا مهب صااحي طلع براسي الشيب ..واخليه عناااد وردعاً لأمثاله يركب ورى.. ويجي واحد ماقصرر ويسحبنااا
وحنا راجعين وانا اللي اسب واللعن في فيصل <<< قفلت معه.



هذي صوورهــ سيارتي بعد التغريززهــ
هههههه كل واحد يذكر الله


ههههههه والمضحك شوفوو التراب فوق الكبوت



صحيح هالطلعه صارت فيها مطاقاات وهواش واحراجاات بس فليناهاا شووي


ملاحظــه/// ترى هالطــلعه حقيقيه بس بالغت في بعض الأشياء << لاحظوو بعض يعني مهب واجد