منتديات رجه - عرض مشاركة واحدة

#1 (**permalink**) 01-04-2007, 08:51 PM

السلام عيلكم ياعيلان ...؟

م ..

سو آخر الأخبار ...أن شاااء الله الحمد لله .......المهم وبكووول اختصااار أقووولكم مئساتنا بالثمامه ..

في يوووم من الأياااام وانا توني جايه من المدرسه وزهقااانه ولا أبي ألا النوووم .... ومدروووخه مره

وتو أخوي صاكني كفن على عيني اليمين طلعت كنها باذنجانه << لا والله الباذنجانه أرحم ...

عشاااني تأخرررت علييه وما طلعت .. المهم أول ما دخلت البيت وأنا اللي أرمي شنطتي يمين .. ولحقها العبايه

وأطييير مشوووته لباب غرفتي .. ألا وتجيني ذيك الكرشه اللي دخلت جواها كيلو << كرشه أبوي خخخخخ

وتطيرني كيلو عن غرفتي .. وأقووم وانا دااايخه أبي أشوووف وش ذا التريله اللي ضربت راااسي ...

وأطالع فوووق ألا وذاااك الجبل الكبير ..لا لا أطااالع زييين ياربيه وش ذالجبل اللي داخل بيتنا ..وطالع وطاالع

بعدييين تبين أنها كرشه أبوي الله يخليها حتى بالسياره مضييقه علينا ... المهم وقالي أبووي خير وش فيييك ..

... وما أمداني أرد عليه ألا قايلي يالله مشينا الثمامه ... وأنا اللي أطالع بعيون حزينه وأحلامي راحت درووج ودواليب

وأقوووله يعني مااافيه نوووم .. ؟ ؟؟ قالي مافيه نووم وهو فاتح كشرته يضحك ... المهم رحت وغيرت ملابسي

ومشينا للثمامه ... وما أمداني أركب السياره ألا وتجيني ذيك الركبه مع مقفاااي .. أنا بنت أبوي بنته من هو ذا ..

ألا ألتفت ولا ألقى أحد ..طلعوا البزوره يتطاااقون ....وأنا آخذ أكبر حصاه قدااامي بضربهم << أجل ماتفوت حقها أبد

المهم ضربتهم ولعنت خيرهم .. وشلتهم واحد واحد ونطلتهم بالمرتبه وراء .... ويالله مسكنا الخط نرووح الثمامه ..

يالله وحنا وجمسنا الأبيض صاير مطيييح من كثر العفش والخنبقه ... وكل من مر ضحك عليينا .. وحنا ماندري ليه ..؟

فاتحيين خششنا وسعابيلنا تقوووطر ... المهم يالله ووقفنا عند محطه .. وما أمدانا نوقف ألا والعيال توطووني يبوون

ينزلوون وأنا أحاول أدافع وأركل وأرفس <<< لا حياه لمن تنادي .. والله توطوني ونزلووني عند حق الرجلين ..

وهمن عقب مانزل قطيع الثيران .. تعدلت وسويت نفسي تكااانه ..أجل اللي بجمبنا نااااس كشخه ..

وأنا مسووويه نفسي أتمييلح مع البنااات .. وأتدلع ومادريت ألا وكافخني ذاك البيبسي الباااارد وهم اللي يضحكووون

علي وميتين ضحك ... وأنا ألتفت ماسكه نعلتي بكفخ ذاللي كفخني وأديييييلووه ذيييك السطره اللي على عييين أمه

أفاااااااااااااااااااااااااا ياويل ويلي ويلاه ..طلع ..طلع أبوي .. وهو اللي ينزل العجرى ويهددني قدااام الناس وأنا اللي

مطيرره عيوني وش ذي العجرى اللي كبر كرشتك يبه .. وانا اللي أنشلت خدودي ولا عاد عرفت أتكلم يووم اني شفته

ملزم ومعطيييني عييين حمره وقام بطني يهبط وخيستهم بالريحه << الله رحمهم ماماتو ...

وأنا قاعده أضحك أصرررف الموووضووع ولا فيه فايده ..وأجلسس أبكي متفشششله وش ذا الطلعه المخييسه ..

المهم جو أهلنا الباقين ورحنا حنا وياااهم للمكاان ...<<< لاحظو المكان هاللحين وشو ..

تعرفووون ذيك المخيمات اللي عند طعس التحدي أيوووه عليكم نوور هناك حنا ورااها طلعنا ...

نعن أبووو داااركم مالقيتو ألا ذاك المكان .. اللي كلله شباب ودشير .....< هذا زوج عمتي ...

والله وعاااد فرشنا لنا في خفسه عشاان المكان مره مكشووف ويالله قامو يطلعوون العفش وينزلوون الغدى ..

وأنا اللي أقعد بعييد عشاان أمي ماتناااديني ... ألا لاااااااااااااااا يااربيه نادتني ..وأنا اللي أصررف أحاكي بنت عمتي

أقووولها امي من تنادي << وما أمداها ترد علي ألا جاني ذاك الصحن اللي يمشي الطبلوون ... وبغى يصكني

على فمي ويقطع براااطمي ويلطشها معاه ... بس أني هالمره انتبهت << لا بسم الله عليك أحلفي

وتغدينا .... وخلصنا كلنا ألا أبووي الوحييد اللي قااعد على السفره .. وأشووف زووج عمتي يستهبل علييه ..

وأعطيه ذيك العيين الحمره وهو اللي يسكت وينكتم .. واللي يشووفه يقوول وش ذا فييه أسهاال ..

خخخخخخخخخخخخخخخخخ .. المهم وأنا أنغز أبووي مع الجنب وهو اللي ينقز ذيك النقزه .. بغى يطب بالصححن ...

وأنا اللي أضحك على شكله وشكل كرشته يووم نقز .. و همسلي وهو يغمز نعم وش تبيين .. وانا اللي أصرررخ عليييه

وأقووله نعن أبو الأكل اللي تعرفه .. ياخي قم ياخي كفااايه شكل الكرشه كذا .. وهو اللي يقووم بهدوء وسكييينه

وأنا اللي على باالي انه بيرووح يغسل .. لا ألا عطاني ذييك الركبه اللي طيرتني عند فررشه الحريييم .. ..

وانا أقووم وألعن وأسب في الطلعه واللي جااب اللطلعه ... ويجووني يهدوني ويقروون علي وانا اللي أنقز وسوي

نفسي مستنزله وأقوووم وانقز عند أمي وأتوطى اللي بجنبها ... حتى الشغالات أنهبلو وهجو بعييد ..

وببعدين قمت أضحك ... وأطاالعهم ... وهم يطااالعووني فااتحيين خششهم ومتعجبين وكل واحد فوق راسه علامتين

أستفهااااااام ... وجلسو سااعه على باال ما أستوعبو المووضوع << عايله دلووخه كل واحد أدلخ من الثااني .
.
وبعد ما روقنا لنا شوووي .. وهديينا .. طلعنا أنا وبنات عمتي فووق الجبل نلللعب بذالطين مع بزوورتنا ..

ويللللله نربط عباياتنا ونتربع ونقووم نمطرس بالطين ...ونسوي أشكاال .... ومادرينا ألا والطعس أهتز ..

ياربييه وش فيه ذالطعس يهتز ..معقوووله قااعد يستنزل ... وانا اللي أطاالع يميني ألا وذاك الموكب موكب دبابات

وهو اللي كل وحده مننا تفككت عبايتها من كثر الروعه ومشينا مشوتين نازلين من الطعس ويدينا ورانا تلحقنا ..

كننا صراصير مرشوش علينا فليت وطبينا على أهلنا ومن كثر الروووعه قامو البنات يصيحوون ويولولوون من ذالفااجعه

ويقوومون أهلنا من كثر الرووعه طااحت قلووبه بسرااويلهم . وش السالفه يالرببببع ...ألا وذيك الفيييله اللي قامت

علينا بتضربنا ... هذي عمتي <<< وما بقت شبشب +زبيريات +كعب +عقااال = ألا ومسطتنا فيييه ...

وحنا ماتبنى عقب ماراح الموكب ..طلعنا فووق مره ثاانيه .. وقمنا نلعب مع البزووره ..

ألا وجا رااعي جيييب مشووووت وحنا اللي نخاف ووجيهنا صارت زرق وش بنسوي .. ياويلنا ويلاه ..أن طبينا ذبحونا

أهلنا ..وأنا قعدنا برضوو ذبحوونا أهلنا .. ياربيه وش السواه وش السوواه ..وقعدنا وش السوااه أليين جاء وحنا من

كثر الرووعه سويناها على أنفسنا .. وما درينا ألا طلع واحد مع الشبااك يبي يرقم .. ألا وتجي الذيبه عمتي وتلقط

كعبها وأديييييييييلووه على راسه المسكيين يبي يدخل رااسه مهو قادر عقب ذالصعرور اللي جاه من كعب عمتي

ونقووم حنا نضحك علييه .. ألا فجأه وين عمتي ألا وهي عند الحريم تفصفص ..وتشرب قهوه وشااهي ..

بسم الله علينا متى راحت ماندري .. هذي الأشياء متعووده علييها الأخت مهاايط مسوييه فيها قويه ..ماتدري ان ماوراها

شي ... الا ويجون حووول خمسسسه دبابات مرفعين غزااله على بالهم يستعرضوون << وما أمداهم شافوونا الا انواع

الطهبله والأستعراض <<<ايه هين مادرو من اللي ورانا في الخفسسه ....

عمي +عمي +أبوي +زوج عمتي +أخوي +العجرى حقت أبوي = مذابح وذبيح ياويلهم ويلاه .....

ألا وشافهم أبوي ويقوووم ومعه المهاايط ورااه ........ وحنا اللي نقوم وقلبوبنا ترجف ..ترجف ..

هذا وحنا مالنا شغل وشلون هم .........؟ ياااويلهم ويلاه ..المهم أمداهم يهربوون ... وعداها الله على خير ..

ويقوم أبوي علينا ويقوووول ( شوفو أنتووم هيه ياويلكم عاد أشووفكم هنا فووق الطعس فاهمين ولا كيييف ..

وحنا نقوووول فااهمين وعلامات العبره على وجييهنا ...؟)

طيب حنا وش دخلنااااااااااااا ..

المهم وقعدنا على هالحااله أليييييييييين قاام أبووي يسب ويلعن << والله بغيت أقوله تلايط موهب حلال أبووك

قااااااااااهرني .......مايدري أنه يكلم جدران تكلم ماتكلم << بيستعرضوون غصب علييه .........

وما أمدى يجي المغرب ألا وحنا ششششششششششششششششششيت بالبيت ........

وضغط أبوووي مرتفع وحنا ميييتين قهههر عالطلعععععععععععه ........

لا أستانسنا ولا شي .. ولا حتى نمممممممممممت .......

وياارب تكوون أعجبتكم قصتي صرااحه القصه حقيقيه بس الركب وحركات النص كم من عندي