منتديات رجه - عرض مشاركة واحدة

#1 (**permalink**) 07-04-2008, 05:05 PM

سلام الله على قومن احبهم تسبدي وجوفي ..

سلاامن مايليق الا بأحباابه

يالله ان تحيي كل من رمشت عينه على موضوعي

ورعصت صبيعاته على كيبورده المؤدي الى خربشتي

ادري مبطين عني وغبار وكحكحين والثالث بالطريق

لكن خلص الهم والغم وكني ودي اكتب واتناقش معكم

قسمن ان هرجي اللي ماله سنع مشتاقن لمجادله وملاحقة اقلامكم الفذهـ

ومن خلال طقطقه وسوالف وحش حريم يوم الخميس باستراحتن تشرح الصدر

تناقشنا بموضوع ابرد خلايا ونوايا شرايين تسبدي

قررت اسدحوهـ ونتناقش انا ونحن ونحن وانا ونطلع لنا بكم فايده

عسى الله يطرح علينا البركه ونكمل الدين الاخر ونحن مدركين ماذا لنا

ووش علينا --->> دازتها الخطابه ام شكيب

الموضوع عباره عن حوار بين مره ورجلها السعوديين الاصل مايحتاج ابين لكم

جنسياتهم لان من خلال الحوار ستدرك عزيزي المشاهد من اين تلك الفصيله المتحاوره

نخش بالموضوع ..

كلنا نعرف من اين منبع العاطفه بين الزوجين وكلانا يدرك ان الكلام اللطيف الخارج عن القلب

ماهو الا ملطف ومنعنش للعشه الزوجيه .. وماله من تاثير على النفرين ..

الأنثى معطاء جرب تعطيها حنان و بترد لك أكثر''

الجمله هذي تخفي معاني كثيره واغلبها حاصل في واقعنا الجميل ..

وزي ماذكرت انفاً حصلت لكم حوار بين زوجين عن الكاتبه ام ريما -->>للامانه العلميه

{ تنهد محمد بشدة و هو يقود السيارة و بجانبه زوجته ..

وسألها: شفتي ذيك اللبنانية اللي في المحل شلون تحاكي الرجال اللي معها ؟؟

تهقينه رجلها والا خويها ؟؟

الزوجه:إلا رجلها شايفته يوم يلبس الولد جزمته بعد ما قاس عليه البنطلون ؟

الزوج: تجاهل ملاحظتها بالنسبه للتلبيس و تسائل بغباء ؟ وشلون؟؟

الزوجه: وش قصدك ..وشلون؟؟

الزوج:ماسمعتيها وهي تقول له : شوف هالئميص حبيبي لونه حيصير يعئد لما تلبسه مع الجينز الكاكي

من شان خاطري جربه يا روح قلبي.

وش يضركن يا السعوديات لو تسوون مثل هالأجنبيات..لطافة و شياكة وحكين يالله من فضلك

الزوجه:

أولا :لو أقول لك ياحبيبي في المحل وطيت رجلي ..

ثانيا: الحرمه لابسه بنطلون جينز محكك ماشفت فيه أي بادرة شياكه

و بعدين تعال ، وراك خليت كل شي و ماسمعت إلا هالكلمتين الزينات.. ما شفته ما شاء الله وهو

ياما شال البنية من العربية ياما حطها فيها ..ياما قاس اللبس على الولد ياما لبسه جزمته ..ويوم خلصت

الحريمة منقية قال هاتي اللي بإيدك حبيبتي من شان وديهن لعند الكاشيير...مهوب مثلك أن كانك ذاك اليوم رايق

و ذابحتك الرومانسية قلت إلى قضيتوا تراي واقف برا أحتريكم..

ياعمري وقلبي أنت تبي من يقول لك ياحبيبي و ياروح ألبي..ما يحصل ..اللي أوله شرط آخره نور ..

شكلك نسيت يوم تقول لي أيام الملكة .ترى إذا قلت لك يا حلوة وحنا نتناقش لا تصدقين ..أنا دايم أقولها

من باب السخرية و التهكم و لا أقصد فيها المدح أطلاقا..ما أقول إلا الله كلن يخليه لعميره و أهيله ..

والله لا قايلة لك يا عمري ولا يا روحي.. الحب أحبك ..مانيب كاذبه بس هالكلمات يالله أقولها لعيالي إذا صخنوا

----->>> بعدي نهشت عظامه نهش

---

انتهى الحوار بينهم لكن الاستنتاج يقول :

ان الرجل السعودي عجيب وغريب و جرئ..

غريب ..تبي زوجة أقدامها ناعمة و ركبها بيضاء وانت رجلينك كن الوحدة محراث تنور ..

واقدامك الشطب الواحد ممكن توزي فيه سكينة سويس ارمي

عجيب.. تبي زوجة تلبس جينز و تتشيك لك بتنورة وانت أربعة و عشرين ساعة صيفا و شتاء

تدير و تاكل و تنام في اللبس السعودي الرسمي فنيلة بيضاء نص كم و سروال سنة ..

ومهما شرت لك المسكينة من بيجامات من تخفيض دبنهامز أو ماركس و سبنسر ما لبستهن

(هي تشتري مخفضة ليس تقليل من قيمتك و لكن لأن الأمل ضعيف في انك تلبسهم )

فيه سالفه طريفه سالفة النجدية ' أم علي'

اللي جتها جلطة عندما قال لها أبو علي ياعيوني

بعد 40 سنه من الحياة الزوجية ماكانت تسمع فيها الا ياهيش و يامره ..

وعندما سألوا أبو علي عن سبب التغيير المفاجئ ..أجاب :

بلاها والله بقرة ولا هل يعقل أني بعد 40 سنه أبي أقولها ياعيوني ؟؟ ماطرت علي ..

بس ذا الخبلة أقول لها ياعيوني ذبحها اللقاح حق االنخل وهي اللي طارت بالعجة و حسبتني

أنهبلت و بديت أقول لها يا عيوني ..الله ياخذ الروح قبل المكروه

---

ارجوا من شبابنا يتدركون الوقت ولا يبخلون بالكلام الزين والنظاااافه

بسكم طماله وجلافه ..

أ.هـ

كانت معكم اختكم المسلمه

.. كنووفه