بسم الله الرحمن الرحيم
اولا كل عام ونتم بخير بمناسبة عيد الاضحى المبارك طبعا واكيد ( بعد الزحمه) وانشالله انكم انبسطتوا وقضيتوا العيد في ربووع بلادكم ماسافرتوا منا ولا منا .........
المهم والزبده انا ابي احكي لكم عن عيدي وين قضيته .. طبعا في ربووع بلادي المملكه العربيه السعوديه وتحديدا بالعاصمه الحبيبه الرياض... الله يخليها لنا انشالله ......... ردوا قولوا امين ويحفظ لنا ابونا ابو متعب الله يطول لنا بعمره <<<<<<<< اكيد بتقولون امين غصبا عنكم ههههههههه

مابي اكثر هرج وبقولكم عن عيدي وبما اني من عشاق البر والخيام والحطب اقترحت على اهلي نتعيد بالبر والمكان انا اخترته يوم رحت وشفته وعجبني وقع الاختيار عليه وهو في ((( روضة خريم ))) اكيد تعرفونها او سمعتوا عنها يااللله وش هاك الروضه تهبل كلها خضار وعشب وشجر وعاصفير ابد جنة الله في ارررضه طبعا طلعنا كلنا يعني ((( العائله الكبيره))) كلها وخيمنا هناك لمدة 3 ايام متواصله بس ياهو برد ياهي جميده ماتتخيلون وماتصدقون انكم بالسعوديه على هالجو تقولون كننا بموسكو ,,, لا ولو تشوفون الخروف مسكين وش سوى جابه ابوي وربطه تعرفون وشلون ينربط الخروف يد مع رجل عشان مايهج هو سوى نفسه ذكي يوم ماشاف عنده احد يحسب انه بيهج يوم قام ويخبط على وجهه صدق لنه خروف وانا من فضاوتي قاعده اراااقبه..ههههههه

وربي لو تشوفوني انا وفروتي وبرقعي تقولون الشيخه العرجاء اكيد عرفتووها اللي بطاش المهم بقولكم وش سويت هناك تتوقعون وشو وشو يالله ( فكروا ) اييييه سقت سيارة رجلي طبعا تحت اشرافه هو علمني يوم حسيت اني افلحت قلت له يالله دحدر خليته ينزل وركبت البنات معي ياللللله ياهي وناسه هجولة بناات ماتشوفون الا براقع بالسياره لا شفت سيارة الاسكريم تتمشى ورحت دقيت له بوووري وقلت الحقني للخيمه لان محفظتي هناك وماقصر ابن الحلال جا لا والخافي اعظم مافيه مخيم الا وشطفته مخيم شباب عوائل مافيه الا قووة تشطيف لا وادقدق بواري بعد اقلقت اامهم ههههههههههه

المهم يوم جا الليل وتعالوا خوذو من هالسامري اللي يعجبكم معنا حوالي 12 طار وانواع الطقطقه والهبال والهسترره وررربي وناسه والحمدالله عدت ايام المخيم على خييير ورجعنا ثالث العيد وبنفس اليوم اللي رجعنا فيه جاء موكب الملك لان مخيمه هناك عاد اقوول لرجلي ماودك توقف تخليني انزل اعايده كوده يعطيني عيديتي هههههههههه

يالله ماطول عليكم واتمنى الموضوع عجبكم وابي ردردكم وكل واحد يقول وين تعيد فيه؟؟؟ وأسفه على الأطاله

وششششش هالعيد الفللللللللله اااه ياليتني معكم ..........<<<
بس الله يهديكم انا مادري من لاعب عليكم وقال ان هذا عيد هذا عيد لخم وبثثث مو عيد وناااثه وخمبقه
<<<<<<<<<<<<<< هذا ابوي
بس يالله نحن عيدونا فالبيت وتقطيع اللحم والريحه والكرشه والذبان <<<<<قهر
ولمن جا الليل طلعنا الثمامه وتمشينا ثوي حنا والبنات ورجعنا البيت واليوم الثاني رحنا المملكه
وبس الله يخلف علينا حنا وعيدنا .............
ومشكوووووووووووور ه خيتو عالطرح الرائع .................

ابوووووووووووووووووووك يالفلة


والله عيدنا قضيتة بين هالمفاطيخ في البيوت


واحيانا


في البر

مايمدددددديك على الفله المفروض يسمونا عائلة الفله والرجه بما اني مرجوجه ع خفيف