بسم الله الرحمن الرحيم
السلام عليكم ورحمة الله وبركاته حبايبي القصه شوي طويله لكن ان شاء الله تحوز على رضاكم

حبي الاول (هايدي)

يوم اني صغير من زمااااااااان مره أذكرني قديم عندنا كنت اقشر ودايم بثوبي الوسخ ابو كفته بالاكمام ولاهيب كفته وحده لا ثلاث كفتات عشان كل ما كبرت تفك امي خبنتها عشان تصير قدي وكنا نفصل اول في شارع السويلم وافصل كل ثنعش سنه وكانت النشقه ما تفارق خشمي والمشق بكل انواعه وخدودي ورجلي نفس البشره وما ازيد عليكم السالفه ابعلمكم بقصتي مع اول حب في حياتي ....

بداية القصه رحت انا واخوي الكبير البطراااان( اخوي الكبيررررر بطرررررران يعرف كل شي وهو اللي يغير لمبات بيتنا ويعرف يقراء جرايد) لشارع الخزان وقال اخوي انا عندي لك مفاجئه ؟؟؟

اثره رايح يشتري لنا تلفزيون وكان التلفزيون كبير ملون ، خذناه للبيت انا وياه وانا ذاك الوقت اهوجس في اخوياي ودي اعلمهم العزي ابو برطم ودحيم ابوفلقة ( فلقته كبيره كبر صحن الطحينيه انفلق يوم كنا نرجم العبريه " العبريه هي شجره تطلع مع جدران البيوت وفيها شيء يوكل ترميه بحصى ولا نعال ويطيح عليك " عاد هو مايعرف يرجم يذب الحصى على فوق ويطيح فوق راسه ويتفلق ) ....ما ازيد عليكم بالسالفه دخل اخوي التلفزيون بالصاله وتجمعنا عليه انا واهلي نحتريه يطلع من الكرتون ولا طلع لين جاء اخوي البطرااااااااااااان اللي قايل لكم عنه وظهره من الكرتون وشغله لنا ,( اخوي ذا خببببببببببببببببل وبطراااااااااان ويعرف كلش مهوب طبيعي خصوصاً يوم غير بويبينة لمبة غرفة امي ....بطراااااان ) !!!!

جلست ذيك العطلة كلها عند التلفزيون انوم عنده على مخدة ام عصفور ذيك الزرق ويجي منها احمر بعد عند خوالي زيها ويوم جاء ذاك اليوم ويجيبون فلم كرتون حلو مره اسمه هايدي ( آه ه ه ه ه ه ه ه ) اول ماشفتها صار فيني شيء غريب مدري وشو صرت اناظر فيها واضحك من البسطة ( على طاري البسطة انا كنت في الحارة صاحب احسن بسطة علوك شختك بختك على ربع ريال والبسطه هي البيع على الرصيف """البيع على الرصيف ...اسم فلم مصري ذا """ ) صارت تجيني نفاضات وقلبي يقامز في مكانه واثره الشيء اللي حذروني منه الشلة حقت اولى ابتدائي كانوا يقولون انتبه تحب ( كانت الدشارة تبدأ معنا صغار منول ) اثري تعلقت في هايدي ماانوم الليل واحتري فلمها كل يوم واقول متى يجي وقتها وش بتلبس بكره كنت اضيع مع اللقطه اللي يبين فيها سروالها الابيض يومها تلعب فوق المرجيحة في اغنية البدايه لعبت فيني الغيره من بيتر ذاك الشين اللي معها ( واحد حاقد ) ودايم تناديه وتتلزق فيه وانا اصيح والمشكله راعي غنم هو ووجهه اللي كله حبوب ( واحد حاقد هو نفسه الاول الحاقد اللي قلت قبل شوي ) تركت الشلة حقتي ماعاد احب العب دنينه ولا اشوت قواطي احلى هواياتي اللي هي الطبة في الزبايل ماعاد احبها ، المهم اني كنت اتعذب كل يوم ونحفت مره صرت اتلحف بشراب من النحف وقالت امي ولدي مابه الا عين هاذي اكيد من عين ام سعد جارتنا ( احلى ياوائل كفوري ...الصزز انا كفوري بس من غير وائل ...وائل راح يجيب اهله من السوق >>>>> بالله به بياخه اكثر من سذا )

راحت امي لبيت جارتنا ام سعد وجابت في غضاره غسال مدري وشو وشربته تقول مجمعته من بيوت الحاره تحسبهم ناظلينني وانا شربت كلش وودتني عقبها لمشايخ يقرون علي صرت مااكل ولا اشرب ولا ادرس ولا ابيع بسطه ولعبوا فيني بالتفال بدون فايده ووجهي من التفال كنه مخرج 13 مع المطر كله مويه ....

جاء في يوم طبت علي امي فجأه داهمتني وانا منسدح على المخدة ام عصفور ( هيئه ذي مهيب ام ) واثري ابكي على هايدي وانا اشوفها في كوخ مع بيتر لحالهم وانا افكر اقول وشلون بعرس عليها وهي عارفتن رجال قبلي ولاهوب سعودي بعد ...المهم يوم شافتني امي سذا وانا ابكي على هايدي عرفت السبب وقامت تصايح وش تبي بها ياقليل الادب انت من الحين وتوك بزر تعرف بنات ...قلت يمه احبها وبعرس عليها قالت ماعاد الا هي تاخذ وحده مهيب سعوديه وتظهر قدام الناس وماشيتن مع رجاجيل قبلك انت تعرف اصلها يالاثول يومك تبي تاخذها ماعاد الا هالبنات الماسخات قليلات الحيا ياخذونهم عيالنا ....قلت يمه لا تاقفين قدام سعادتي وان عييتوا علي آخذها ترا بنتحر ولا بنحاش واشتغل واكد لين اجمع مهرها ( عاد انا راعي خبرة تجارة ...نسيتوا البسطة حقت العلوك اللي اشتريها ب 10 وابيع علوكها ب 55 اقل شيء )

واخربها ذاك اليوم في البيت وصارت امي لين جت هايدي تقفل التلفزيون وتقول لاتناظر بنات الناس انت سفيه وصار العذاب في قلبي يزيد لين قررت في يوم انحاش من البيت واقوم آخذ سروالين وفنيلتين وثوبي ابو سفطات ودنانتي ( كل ثروتي ....اخس يالوليد على غفله ) واجمعها في شرشف واتسحب من البيت يوم توني ابفتح الباب بنحاش الساعة كانت كثير مرة في الليل الدنيا سودا ولا معي ساعه صراحه ولو معي مااعرف لها ..يوم فتحت الباب الا اخوي الكبير البطرااااااااان ....مدري وشلون يفر النجفه ذا البطران ويطلعها ويركب جديدة في دقيقتين صززززز انه خبببل يعرف كلش .... صادني ومعي عدتي منحاش قال وين يالبزر يابو المشق ( انا كنت وكيل معتمد للمشق في المملكة خشتي دايم مشققه ) قلت ابد بس ابروح امرح عند واحد من الشباب ( بزر مااعرف اصرف الامور ولا وشلون بزر وبيروح لحاله يمرح ) قام جرني بيدي وكان قوي شق يدي ( اقولكم يفر النجفه حقت غرفة امي ) ودخلني البيت الا هذي امي قالت وش هالصجه وش فيكم ابوكم نايم وقمتوه قمت انا اصيح بقوة ابيه يفكني قام قال لامي ولدزز بينحاش من البيت وتوني صايده قالت امي اني داريه من يوم شفته يمشي مع هالماخوذه اللي اسمها هايدي وانا داريتن انها بتسحره وتخليه يعصانا ...جرني اخوي للديوانية وجاب الليّ ( الليّ هو توصيلة من البلاستيك نمدها من البزبوز لاي مكان بعيد ... (يلعن التعريف بتلقونه في كتاب الفيزياء السنة الجايه ) ......

المهم انا اخوي البطران القوي اللي قلت لكم عنه اول دبجني تدبيج وشوتني لين غفلت ولعب فيني باللي على كل مكان فيني لين مهوب نساني هايدي نساني التلفزيون ومن يومها وانا ماعاد اناظر تلفزيون ابد وصدق القايل اللي انا اسمي عليه يوم يقول يزرب الحب شو بيززل ......والله يسامح هايدي اللي تخلت عني وانا في اممس الحاجه لها ( اممس ...ترا ذا الكلمه ماادري وشي بس ناقلها من كتاب تعبير رابع ) ونسيت الحب بس والله كان حلو احسن من التطلي اللي تصلحه امي في رمضان .............ونسيت كل شيء من يومها
اخوي البطراااااااااااااان هو السبب هوا السبب بريء ياناس

انتهى كلامه يرحمه الله
الفهرس
الاهداء
بياله بدون عروة

أبغى علك من بسطتك


آآآآآآآآآآه على أيام هايدي


مو يوغي يو

خخخخخخخخخخخخ


وهايدي يوم تخلت عنك ياخووووك تحب غيرك وانت تتميلح


بس من جد أخوووووك البطرااااان سلملي عليه


<<<<<عايشة القصة

ههههههههههههههههههههههههههههههاااي حلللللللللووووهـــ



هههههههههههههههههههههههههههههههههههههههههههههههههه هههههه الله يررجك يابياله...منتب صاحي والله

عااد هايدي كلن حبهاا مهب انت لحالك ....قلبت المواجع ^_^

مستقبل عربيجيه محترفه
=======================
الله واكبر بس علك ترى عندي انواع من العلوك وش تبين طرزان ولا سندباد ولا باطوق ولا ابو طقعه <<<< خوش اسم علك

وبعدين تعالي عندي شختك بختك صدقيني ممتازه بريال تختارين اربع اشياء هاه وش قلتي

وش يو غي يو هذي هاااااااااااايدي الجميله هااااااااااااايدي البريئه وش جاب لجاب

وبعدين اخوي البطرااااان مقدر اسلم عليه وتبيني اقول ان العربجيه تسلم عليك قسم بالله يلعن جدفي ويفر وجهي كنه يفر لمة وش على بالك انتي

الله لايعدمنا قلمك يا لعربجيه
==================
ديور
=================
هيه هيه هيه انت وش قاعد تضحك علي انت وجهك وبعدين اثبت ان الكل يحبها صاحي انت

انا لي منافس واحد هو بيتر الشين ابو مشق

وبعدين انت ماجربت الحب صدقني يا ديور لو تحب زي ما حبيت انا هايدي ان تصير صابون لوكس بدل ديور خل عنك

هههههههههههههههههههههههههههههههههههههههههههههه

لا عدمناك ولا عدمنا قلمك

انتهى كلامه.......يرحمه الله
الفهرس

الاهداء
بياله بدون عروة