اي وآحد يحب قسم السوالف يررعص هنيآآ

بنوته فله · #1 (**permalink**) 07-04-2008, 01:25 PM

مســآآ الخير والوررد

اخبآآركـم ان شااء الله منيووحين
السمووحه والعذر صآآر وقت الجد << تفسر كموومهآآ
بمآآ ان القسسم حقنآآ انا ومزمز ابد مآآبه مواضيع مكرره..ولا مآآصله ..ولا مالهآآ دآآعي ولا تقلب التسبد
وعلى هذآآ الاسآآس لاابد من قوآآنين مصرررومه صرم اوووب طبيعي
قسم بالله احس القسم سلة محذوفآىت للمنتديآت الثآآنيه يآآخي لاتجييبون لنآآ من برآ وتذبوون هنيآآ
بالله عليكم جآآيين ننبسط ولا نعآآند<<يآآكثرها
ولا نجييب من برآآ <<موعشآآ ترآ موآضيع
يعني من جد بعض الاحيآن حوالي ثلاث اربع موواضيع مكآنها غلط ياتكوون المفروض بقسسم الالعاب ياا بقسم العآم وربي
مره من المرآت نآقله موضوع للقسم العآم بالله عليكم وش اسميهم ذووولي
عميآآآن مخبطين وش اقووول اقسسم بالله فيه فرق بين اللشي الجد والهبآل
المهم مآلكم بالطوويله اللحين نرروح للقوآنين فيه اشيآء جديده واشيآء قديمه
واللي مآينفذها يآآانه بيتشوووت للي مآيفهموون بيتصفق بتسآلووني شلووون بجيب انا ومزمز مكنسسه ونقعد
نكنس بموواضيعه لين يتسنع
والله لوو اقعد اسب فموواضيعكم لبكرآآ مآآراح لا اخلص ولا اشبع << ابن ابوه يززعل مني
وصلنآ لابعد درجآت السمآآآجه مثلا:

اقتباس:

تعآلو عندي هديه لكم

صآآآدوه

^^ بالله بالله نتكلم بصرآآحه ايش الونااسه بالمووضوووع مثلا يضحك
موعلى كيييييييييفك متى ما زهقت تفتحلي صفحه وتحط زي كذا وفيه اسمج بعد
زي شآآكلة هالموضووع او اللي فيها احلفي انك تقوولين اسمك لما تنزلين تحت ترااك اوووه حلفتي لا لا مكدر لازم تقولين اسمك انتي حلفتي<< معليييييه مافيه شي يونس
المهم اللي زي كذا ماانبيهآآ او بالصح من اشووف كذا بشووته
ثآني شي الموآضيع المنقوووووووله من اشوفهآ بدوون نقآآش بنكنسهآآ لاني باختصار اقدر ارووح منتديآت ثآنيه اقرااهاا
حآآولوو تكتبوون عصرووا امخختكم فآآضين اجاازه وانوواع فكة الكشرره والله انه يطلع منكم
وصدقووني بتللقوون الدعم من الكل بس انتوو شوووي حآآولوو والله بنبسط فيههم وبنتهيبل اكثر من الاشيآء المنقووووووووله

الي بيجي بيسوي دمه خفيف
وبتميصل وتميلح ولا يتوب من كثر مواضيعه الماصـله بناخذ موضوعه و الله يكون في عونه يآهو بيروح غلطه هو موضوعه بثبت موضوعه وبخلي الي مش
عاوز يشتري يتفرج باخليه يعرف ينزل مواضيع كثيره مره ثانيه وبنقعد نذب عليـه اليـن يتوب ويجيب لنا موضوع زي الناس
ولا تقوولون ماا قلنا اكثر من موضووع باليووم بينحذف هو موضوع باليووم مووب ترووحوون تجيبوولي دررزن وتنزلوونهم والله طررقتن وحده عالزباله
والموواضيع المعتآآده اطلز مووقف اطلز نكته تررى حتى ذي بتللحقهم والله العظيم انها تقلل من قيمة الكآآتب
يآآخي وش نبي بالموااقف خلاااص شبعناا نبي مووضووع عيآآري بحت كله عيآآآره وهبآآل
ولانبي تمآآسيح وسلاحف مدري زوااحف يااملغهااا ذي ابي اسخف من كذآآ
نبي شي حمآآآس عيآآره وخيآآل وهبآآل
وبالنسسبه لي انا ومزمز بمسآآعدتكم دآآيم دوووم<<كنها اغنيه
انتو بس قوولو وش تبوون واحنآ نلبي
وترى مآيهمنا العضو ايش هو مشرف مرااقب اللي هو مافيه فررق
بين واحد مشآركآته 1 او 3000
كلنآ سووآآ وكل موووضووع بيكون له حقه
احم احم ولا تسيررون بثررين بردوودكم والله لااتووطى ببطوونكم يآآخي وش فييكم مستحين
وخلووو كل شي بحدووود الادب ذبووو بس امسكوو انفسسسكم
والله ان شفت هوآآآش لا امسك هالمتهآآوشين واعطيهم بآآند <<بتللحقينهم اصلا ههههههههههه
لا بس مااله دااعي الهوآآش << خآفت تجيهآآ نوااعم تسفل فيهآ كح
والموواضيع السنعه والمتعوووب عليهاا بنعطييكم علييها شهآآدتووون وحلااوتوون وتلفزيون 1 بوصه
وبووستوون على رووسكم بنغررقكم بندللعكم دللع اوووب طبييعي
بس ابي اشوووف موااضيع سنعه قبل لا اموووت <<ابي عيآآلي
لادخلووو هنيآآآ يقووولوون ايه كفووو امناا ممشيتهم صح << يلا منآآك

ايييه وفيه شي مره مهم الاحظه هاليوومين
اول شي موو تردوون لي على المواضيع القديمه موااضيع من سنة نوح 2006 لاحد يرد علييها وان
وان لاحظت نفس الشخص متقعد لهالموااضيع
وانا مغمضه بصكه مخآلفه

ثااني شي من اللي ملاحظته الكلام المااصخ حبيبي حياتي
شكرا حياتي عالمروور لبى عمرك لبى تسبدك ميب عندي ذي
ترى على فكره مالكم دااعي تقولوونها اقصد الي بين الشباب
والبنآت واللي بكفششه مااخذ وجه ويوولها بعطيه تحذير بعدها مخالفه
وهـ تعبتــ

مزمز المآآآيك لالك حطي حيلك يآبعدي الليله ليلتنآآآ
يالله برب

برآيفت سروال خط البلده ذآآك الابيض اللي مخطط بازرق
يلبسوونه الاولين يآآآوك يآنه خقق
لا واقول لماما سروال خط العود ه << من يوم يومك تنكه

]]>

【mάzǾлα】 · #2 (**permalink**) 07-05-2008, 07:44 AM

هلآآآآآآ بنوتــه , يختـيّ وقسسسم كنـكّ قآآريـه أفكآريّ , كنت نآويه أنــزلّ موضـوِع مثل تسذ1 , بس انتي سبقتينـي ونزلتيـه لبى قلبـــــك بسسس

..

إيييه وش بعـد هذي مايبيلــهآ مآآآيك وانآ أختـكّ يبيلهآ ذآآك مدري وشسمــه اللي يآخذونـه بالمبآريآآت من شآآن التشجيــع ,., < امحق وصصـف

المهـــــم ::)

يآآآحبــايبــــيّ ترى وقسسسم أنبــحـت أصـوآتنــآ أنـا وأختـــيّ بنـوتــه من كثــر مآنعلمكـــمّ , الموآآضيع المنقــوله مآآنبيــــــــــــــــــــها بتـآتآً البتــــه , لاننـآ وبكل بسسساطه نقـدر نرووح لأي مووقع ونقـرأ الموضووع نفسه هنـآآكّ ,. يعنــي لآتتعبـــــون أنفسسسكم وتجيبون لنآ من برآآآ لانه بينحـــذفّ ., عشآآن كذ1 نبيّ نفكـر ونبــيّ نصنـع شيّ خــــــــــاص فينـــآ مآآنبي شيّ مكـــــرر و منقـــــوووول .,~
لآننــآ تعبنـآ من كثرر مآنحذف بالموآضيع وأظن انتــم بعـد نفس الشـي ,وعشآآن نرتآآآح من الحذف وانتمّ ماتنـــحذف موآآضيعكم لآتنـــــــزلون لنآآآ شي مسروٍوٍوٍوٍوٍوٍوٍوٍوٍقّ

وغيــــر كذ1 , شبآآآآآآآب القسسسم هذ1 متفرعّ لفـرعـييينّ فررع الملتقـى الترفيهـي ,.< وهــذ1 للسوآآآلف يعني لآأشــــــوف وآآحد منـزل لي لعبـــــه هنآآآآآآآآ ,..
والفــرع الثـــآآآنيّ فــرعّ الالعآآآآب الترفيهيـــه ,.< هــــــذ1 نزلوووا فيه العآآبكمّ , يعنيّ لآأشـــوف السوآآآلف هـــنـآآآآآ .,~

هــذيّ نـؤطـه .,~

.
.

النـؤطـه الثآنيــه ,.}

ياجمـــآعـة الخيــر مآنبيّ عـضو ينـزل لنــآ أكثــر من مــوضوووع بيـوم وآآحد ., يععنـي ماشالله عندكـم موااضيع كثييرهـ خلوهآ بالتقسييييط يعني بلآش من الكآآآآش مآآنبيــــــــه ,. < وش هالتشبيــــــه

.
.

النــؤطه الثآلثـه ,.}

هالقسسسسم وشسمـــــه ..؟؟؟؟

مو اسمــه القسسسم الترفيهـــي ..؟؟؟؟

يعني وشولــــــــــــه تنـزلوون مواااضيع لاتمـــس بالترفيــه بصلـــــــــــه ,. < لآحظــوا لاتمـــس

لآ من جد والله يعني خلآآآآآص السالفه معرووفه هذ1 قسسم ترفيهي يعني تنــزلووون فيه موااضيع تونس الصــدر وتــرفه عن الوآآحد موب موآآضيع مدري من ويين جـــايه يعنـــيّ مآآأظـن أنكم لهآالدرجـه مآتعرفـونّ تقــروٍوٍوٍوٍوٍن ,.~

.
.

النــؤطه الرآآبعــه ,.}

ياااااالربع ترى فيـــــه مواااضيع وقسسسسم بالله أبيـخ منهآ ماانخـلق للحيــن وحبووبتــي بنـوته مآآآقصـــــرت وجاابت لكم مثـــــــــال علييه وشرحتلكم اياه بعــد يعني على مــاأظن انكم فهمتــوا يعععني أتمنــى اننـآ مااانشوف مثل هالموآآآضيـــــع السسسسسسسسسآمجــه مرتن أوووخـرى

.
.

النــؤطـه الخآآمســه ,.}

مثل مآآوضحـت بنـوته مآآنبي ردووود يااقلبي وياعيني ولبى روحك ومدري وشو ,. يعني لكل مقآم مقآآآآآآآل , وهذي اللي انت تكلمهآ لآهي بأمــــــــك ولآهي بأختـــــــــك عشآآن تقولهآ هالحتســـيّ يعني كـل وآآآحد يحــآول انـه مايتلفـظ بهالالفآآآآظ رجـــــــــــــــآءً هذ1 طبعـا اذا كآن عضو وعضـوه ., ~

.
.

النــؤطه السآآدســه ,.}

مـــــــــــــانبيّ مواااااضيع تقليديــــــــه زيّ انك تنـزلّ لك موضووع خاص للنكـت , أوّ آخر موقف حصل لكّ , يااجمآعه شبعنــــــــــــــــآ من هالاشكآآل نبي نغيّر نبي شي جديـــــــــــدّ , نبي إبــــــــدآآآآآآآآآآآآآآآآع ,.~

.
.

النــؤطه السآآبعــه والاخيــــرهـ ,.}

مــآآبي الكلآم اللي قلنـآه انا وبنـوتــه ينسمـع بإذنّ ويطــــــلع من الاذن الثــآآآآآنيه ,. يعععنـــي أي موضــوع بعــد اليـــوٍوٍوٍوٍوٍوٍمّ أشــوفه أنــآ ولآ بنــوتـه فلـــه , ويكـــون مخآآآآلف لآي شي قلنآآآآآآآآآآآهـ بينحذف , وصـآآحب الموضوووع بنعطيه مخآلفـــــــــــه ,. لآن هذي مو المره الاولـــــى اللي نتكلم ونعيييييد القـــوااااانيــــنّ

( وقـدّ أعـــذر منّ أنــذر )

.
.

ووووووبـــس

بـرآآآآيفـت بنــوٍوٍتــــه

وربــــيّ وآآآآآآآآآحشتـــــنيّ يالدوبيبــآآآهـ ,.
أحوٍوٍبكّ

.
.

بنوته فله · #3 (**permalink**) 07-05-2008, 11:26 AM

هلا حيآتووو انتي
يآقلبي صح لسانك على ماكتبتي وتسلمين اوي اوي
يآرب عآد بعد كل هذآآ احـد يسمع
وان شآء الله احنا موجودين لمسآعدت الكــل
برآيفت مزمز
وانتي وحشتييييني اكثر وربي مشتآقة لك مآآآرآ وانا احببكي اكثر

فتكات بنت كيداهم · #4 (**permalink**) 07-14-2008, 05:02 AM

هههههههههههههههههههههههههههههههههههههههههههههههه

يمممه كلتونااا اكل لااله الا الله عليكم كل وحده لساانها يطال اذانهاا

<<شوفووا من تتكلم بس

مابقى حلف ماحلفتيه يابنوته بس ماتنلامين لو منج سنترت عند هالقسم اربع ساعه وعشرين

ولا احد يدخل الا كاتب شي من مخيخه المتنك زيي يعني

والله معااكم حق تعصبووون وتشمرون ساعديكم عشان تصكون

هاللي يكررون المواضيع كم كفيين على يورات فيسهم هههههههههههه

ترى انا مو منهم والعيااااااااذ بالله <<انتي اولهم يالنصابه

يااختي نوم وبلاده وكسل ومن هنيا وهنيااا كلو مدري شسمه <<قفلت ماتدري وشتقول خخخخ

يعني مايمدينا نعصر مخوخنااا مقفله تقفييييييل موب صااحي

وبعدين ان شااءالله باذن الله بعصر مخيخي وبدور واحووس

يمكن يطلع شي من هونيا والا هونيااا والله يقدرني

ولازم تثبتونه وساام شكر زائد 100نقطه ايييييي نعم أنا ألفت مو حياالله

<<تقلعي أحسن

خولاص ماتزعقووش انتي ومزمز مرتن ثانيه بنسوي اللي تبون

بس انتظرو سنه سنتين على حسب الحروف اللي بألفهاا

لالالا جد بجد الجد ان شااءالله اسوي شي من مخي

تشكراااااات على هالتهزيئاات المحترمه

ومالومكم بجد والله يعينكم يااارب

【mάzǾлα】 · #5 (**permalink**) 07-15-2008, 08:29 AM

ههههههههههههههه يآلبى قلبكّ ياشيخه وقسم ضحكتينيّ
يآآقلبو الكلآم هذ1 أوب تهـزيء أبـد , بس نوضحلكم نقآط لآأكثر ولآأقل , بس انفعلنآ شويّ أنآ والدوبيآآهـ اللي فـوء
بـس إن شالله الاعضآء يسمعـون مننـآ ومآعآد نشـوف شيّ مكـرر أو منقـوِل ,.~

لـ قلبـــكّ

سـmoon girl ـارا · #6 (**permalink**) 07-21-2008, 02:25 AM

ه شوي شوي لايطق عندكم عرق
وربي أحسكم تكتبون من قلب
يعطيكم ألف عآآآفية
بس وربي خوفتوني منكم
شكلي ببطل أنزل مواضيع في قسمكم
مع اني انزل في الشهر مره وترااه

<<الاعتراف بالحق فضيلة
الموهم انشاء الله راح نحاول نسوي الي يرضي الكل
ويعطيكم ألف عآآآفية

قآيد آلقمر ومآبآلك بآلبشر · #7 (**permalink**) 08-16-2008, 10:01 AM

قصم قصمأتـ اقرآ وانا اكركر ضحكـ عليكـم رغـم اوول موضوع اقرآهـآ لبن بن

امـآ ذكرتووني بالمبحث مآفي الا عووووونف امموووت عاللغه مز مز هههههه

ولآآ يصير خآطركـم الا طيب ابشروووو كل هالقوآنين كلهـآ عالعين ورآس

ثنكيووووووو مز مز وبن بن قصم مشرفـآتـ مشددآتـ << تذكروونه بمدرس الريآضيآتـ << لآيكثر

تشـآآآآآآآآآو

آموت بعزتي/ آرحم ! · #8 (**permalink**) 08-25-2008, 07:06 AM

وربي أقرآ ردودكم يآمشرفآتنآ وأنآ مآسكه بطني ..
أعصآبكم عندي أحسآس من هالحمآس الكيبورد رآح فيهآ

<< برآ
شوي شوي علينـآ ..

بس .............................
والله معآكم حق المفروض ان الوآحد يبدآ يسوي حملة مقآطعه لل

..
ودنآ نكركر على مواقف للأعضاء << أووووم النذآله ..
الموهم أنتم لآزم صرآحتن الي تشوفونه مواضيعه كثيره على غير سنع تعطونه كم كف يعدل وجهه

ومن ثم تعطونه فرصه ومن ثم << بالله سكتوهآ ..
آنآ صرآحتن عشآن عنونكم بدور لي موقف يستحق الي الكتآبه ..
بس عآد لاتتحمسون لأنه يبيللي كم من أسبوع قبل لآ أنزله .. << مآتصرف ابد ..
يعني آنآ صرآحتن أأحب انقل مواضيع << قولي من الاول << أجل وش مدخلك هنآ
بس اليوم قررت أني اجدع الموكرر بالزبآله

وأبدى شيئ جديد << أووخص يآحركآت أنتي ..
وآنشآء الله تشوفون جديد أبدآعآتي

و ع ـسآآكم على القوه يآآكآبتنآت

يلآ see you

مسوي رجه · #9 (**permalink**) 09-16-2008, 12:23 PM

هااااااااي [grade="00bfff 00bfff Dc143c Dc143c"]ياحلوين ان شاء الله بخير [/grade]واهنيكم علا المواضيع الحلوه

مسوي زحمه · #10 (**permalink**) 09-17-2008, 06:21 AM

هههههههههههه موضوع مجنون ههههههههه

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
قصة تموت من الضحك لاتفوتكم شوق والاشقر المزيون كاملة	ήŦόόLǻ●	(الروايات و القصص الطويله )	28	09-27-2009 05:25 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)