السام عليكم ورحمة الله وبكاته
قصيده اعجبتني للشاعر احمد الصانع

ودِّي أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!

ومِنْهو حَمَلْني لِين .. ذِيكْ .. " المقابر"
وأشْكرْ أنا .. كِل مِنْ كَرَمْني ودِفنِّي

وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني

ومِنْهو مِنْ أهلي ف العَزا كان حاضر
ومِنْهو دعى لي في " صلاته " ورحمني

ومِنْهو بنى [ بإسمي ] سبيل ومنابر
ومِنْهو يفز قلبه .. إلا مِنْ لمحني

ومِنْهو عشاني : طُول الأيام ساهر ..!
ومِنْهو ثلاث أيَّام .. راح وتركني ..؟

ومِنْهو يرتِّب .. غرفتي .. / والدفاتر
وإن شاف ( صوره ) لي ماتْ وحضنِّي

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي

خايف يروح العُمْر .. وأكُونْ خاسر
وإن طار طيري .. ما يفيد / التمنِّي

وخايف يجيني وقت : أكْسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني

[ صحيح مُسلم لكن : الهَم كافر
كل ما بغيت أضحك يهددني حزني ]

الضيق وافي .. والحزن حيل وافر
والجرح أكثر شي .. شفته يحبني

عايش وميِّت بين .. ماضي وحاضر
والصبر [ مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّه وحشني !!

( شاعر ) ولكنِّي .. ماني ب شاعر
ودِّي أموت اليوم .... وأرتاح منِّي !!

اتمنى ان تنال اعجابكم

قصيده رائعه
تسلمي حبيبة قلبي على روعة اختيارك الف شكر

نورت الصفحه اخوي يسلمووو ع المرور

مشكووره قلبي ع الرد

اختيار جميل وكلمات اجمل
يسلمووووووووو

مشكور ع المرور

منوره الصفحه اختي مشكووووووووووووووووره قلبي ع المرور