سجل دخولكـ بـ بيت شعر اعجبك

#1 (**permalink**) 09-06-2008, 07:53 AM

الموضوع الأصلي بواسطة مراقبنا العزيز hi-level

اقتباس:

قد يمر عليك بيت شعر قريته او تتذكره او حاب تشاركنا ببيت شعر اعجبك

فهنا نكتب بيوت الشعر

ولكم منى اطيب المنى

في انتظار ذائقتكم

#2 (**permalink**) 09-06-2008, 11:42 AM

ماشفت كيف القمر عقب الظلام انور
بالضبط نفس الشعور ان شفت بسماتك
ان كان في خاطرك حاجه علي ابشر
والله لاسوق العمر كله لمرضاتك

#3 (**permalink**) 09-06-2008, 03:58 PM

ينطيكــ العافيهـ دمووعهـ ..

أوعدك

إن كان بعدي يسعدك

الليله أرحل

من الليله باختار الطريق

من الليله الليل الرفيق

و أوعدك

ما أعاتب أو ألوم .. إلا نفسي

و ما دام في قلبٍ معك

أوعدك

#4 (**permalink**) 09-06-2008, 08:36 PM

ربي يسلمكـ دموعه

يمر الوقت ومانحسب حسابه والعمـر يجـري
ولا ندري متـى نرحـل مـن الدنيـا ومافيهـا

#5 (**permalink**) 09-06-2008, 10:08 PM

الصبر عن بوح الاحاسيس .. قتال
........................ والبوح في بعض المواقف ، فشيله

لو كل مايطري على البال ينقال
.......................... ماكان شفت ان الثقيله .... ثقيله

ابطيت اكافح ضيقة البال بالبال
...................... . وادفع بلا .. هاجوسها كل .. ليله

لين اقبلت مثل .. السحابه بهمال
........................ تشفي غليل اللي .. تزايد غليـله

طاحت ، ولاْوفق من حناياك منزال
..................... وابطلبك .. يابدر ( تكمى ) المخيله

ان قيل ترعد .. قلهم : صوت زلزال
.................. وان قيل تبرق .. شف لها ادناة حيله

مابي .. تناقلها هل القيل والقال
..................... .. وتصير من بعد القصيره .. طويله

يابدر .. !!

يابدر .. ماني عال .. لو صحتي عال
.................... .. شفني من الصدمات نفسي عليله

اشيل حملٍ .. لو يشيلنه .. جبال
..................... .. الله ، وامانه .. غير تصبح نثيله

أرمي .. من هموم الزمن .. واسحب أدبال
................. وانزل عن ( الجوكر ) وغيري يشيله

من كثر ماشفت بحياتي من انذال ....!!
...................... .. بديت اشك ان النذاله ... فضيله

ماطاح من عيني رجل ..!! طاحوا .. رجال
................. .. ورجال ( يابن حنيف ) ماهي قليله

اقرب من اللي قالهم ضمن ماقال .. :
..................... راكان بن حثلين .. راعي الجزيله

( هذا .. ولد عمٍ ، وهذا .. ولد خال
.......................... وهذا .. رفيقٍ مالقينا .. بديله )

سبحان منهو يابد غيّر الحال ..!!
.................... .. وحط الجفا بين الخليل .. وخليله

هذا الزمن يبغاله .. لسان دلاّل .. !
................. .. من يستحي هالوقت .. واعزتي له

وقتٍ به ( الراعي ) غدى .. راعي دلال
................. .. كلٍ على طاريه .. ينفض شليله ..!!

ومن كان ساسه للردى مضرب امثال
................. .. اليوم .. يحسب من كبار القبيله ..!!

المال ..!!

المال .. يابن حنيف ملعون .. ابو المال
................. // .. ذل العزيز .. وعز .. ناسٍ ذليله ...!!

الشاعر.../
خلف بن مشعان العنزي.../

#6 (**permalink**) 09-06-2008, 10:17 PM

أبـغــاكـ ترســم فـي يـديــكـ امنيـاتـي
00000000000000 حضن اللقاء .. دمــع الفرح في ليالـيــكـ

وأبـغــاكـ تحـيـي بسمــةٍ في شـفاتـي
00000000000000 مـاتـت بـعـد فـرقـــاكـ والـيـــــوم تـرجــيـــكـ

#7 (**permalink**) 09-06-2008, 10:25 PM

يحسدوني الناس لاجبت طاريك.

. يسالوني وش سر عمق العلاقه!؟

ادهشتهم بالوصف ياصاحبي فيك..

وعلمتهم معنى كلمه *صداقه*

يوم انتهينا قالوا مانلوم صاحبك فيك..

.. ولانحسد اللي عقبكم ضيع رفاقه..!

#8 (**permalink**) 09-06-2008, 11:04 PM

أمــدّ لـــكـ [ قــلبي و روحـــي ] و يـــــدّي
أمــدّ كلي لــكـ ولا تســــــأل .. } أشتقـــت

جيتكـَ بع ــــد ماوقّف × الوقت × ضــدي
معاهدكـَ لا تصير / ضــدي مع الوقت .. }

#9 (**permalink**) 09-07-2008, 04:16 AM

خلك طبيعي بلا مكياج **** شكلك طبيعي لنا فتنا
كلك حلا وانت ما تحتاج**** لو زدت نقطه حلا متنا

#10 (**permalink**) 09-07-2008, 04:39 AM

مسآكم خير ..

عسآك بخير..؟
وش اول وآخر جراحك ..
...................... وش آخر واول فرآآقي
يقولو من المسآ تلملم بقآيآ قمرتي وتموتــ ..
................... صحيح تموتــ ..!

أدوات الموضوع	إبحث في هذا الموضوع
مشاهدة صفحة طباعة الموضوع أرسل هذا الموضوع إلى صديق	إبحث في هذا الموضوع: البحــــــث المتقــــــدم
طرق عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)