لو كنتي مكانها شو راح تعملي (قصه واقعيه )

فتكات بنت كيداهم · #1 (**permalink**) 01-21-2010, 03:10 PM

بسم الله الرحمن الرحيم

السلام عليكم ورحمة الله وبركاته
=)

هذي قصه واقعيه لطشتها من منتدى
عجبني حسن تصرف البنت صراحه ذكيييييييييييه

موقف يحرق الاعصاب بس رهيبه البنت

حبيت انزلها هون مخصوص للبنوتات ابي ارئهم مابي الخواشن يدخلون بالسالفه يخربونهاا

البدايه

زوجي العزيز صدته رايح بار

القصه من البدايه انا وابو الشباب نحب بعض من سنتين وهو ولد عمتي

من 6 اشهر طلع للبعثه وانا وياااه

تركت اهلي وذقت لوعة الغربه دبل دبل دبل لاني اجتماعيه مره

بعد ماشكيت بتصرفات زوجي قررت اراقبه

وفي يوم الاحد الساعه 12 لبس الملابس المكويه وبخ العطر الغالي وحط الجل وقال سلام

قلت سلام

ووراه يا بنت ركبت التكسي مع رعب شديد الوقت مره متاخر

ودخلنا منطقه منوره وبنات تتسدح ع الشارع منظر قبيح تحسي كانهم حيوانات ويمكن الحيوانات تستحي بعد

وقف تكسيووقفت وراه

لقيت واقف قدام البار يكلم بجواله بعد وقت جو اخويااه الشيون كل واحد اخيس من الثاني

واكييييييد معهم خويااتهم ودخلو البار سوا

لحظتها انجنيت بكيت بكيت بكيت مقهوره مره

ع طول جاء في بالي ادخل واهزئه قدام ربعه وامسح فيه الارض

بس مااقدر زوجي والله احبه<<معشمها بهواه

جلست افكر وش بخسر وش بكسب لو دخلت<<طريقه تعلمتها من مملكة بلقيس

بخسر حبيبي

بخسر دراستي

بيصير مشاكل بين الاهل

علاقتي بتخرب مع عمتي<<احبها

وهو يعني لو قلت له طلقني راح يطلقني مو لانه مايحبني بس لانه بيكون مضغوط مني ويبي حل يريحني ويرتاح

والافكار تاخذني وتوديني

مره ابي اتصصرف بعاطفتي اللي تبي تقتله

ومره بعقلي اللي يبي يادبه

ماادري كيف سويتها بس سويتها

شفت بنت بتدخل البار قلت لها ابيك تصورين شخص بالجوال وراح اعطيك فلوس

قالت اوك وريتها صورته ودخلت بعد نص ساعه طلعت وتقول ماعرفته قلت لها لبسه قالت ادخلي ووريني

المشكله اني لابسه حجاب وشكلي بيكون شاذ قالت خذي قبعتي لبست قبعتها ودخلت وياليتني مادخلت

حسيت السقف بيطيح فوق راسي من هول اللي شفته

المهم لقيته ماخذ طاوله وياا ربعه وصديقاتهم وضحك وكركره

وراحت وصورته لي فديو وصور بعد <<متوصيه فيني

واخذتها ورحت البيت وانا قلبي يحترق للحين

صليت الفجر واستغفرت ربي وحمدته ع الاسلام حمدته كيف كرمني عن الفسق والزنا والدعارة

الحمد الله جسمي لي ولشخص يتزوجني ويصرف علي

من جد نعمة يارب لك الحمد

مااخفي عليكم بكيت لحد مانمت وصحيت الا هو جنبي

والله احس كنه كابوس اقول يمكني محلمه واقوم وافتح جوالي واشوف الصور وارجع ابكي

بس كنت معزمه ابي اادبه ولا اخسرة

ووبديت اجمع وارسم

زوجي يحبني موت<<هذي نقطه

زوجي يحب الفلوس<<نقطه مهمه

يحب المثاليه قدام اهله ويكره الفضايح<<نقطه

كل هالشغلات ساعدتني ابدء اتحرك

بعد اسبوع وكان اسبوع هادئ جدا وكنت احاول امثل اني طبيعيه

قبل لا يرجع من المدرسه حطيت ظرف قدام الباب فيه صوره بالبار وحاولت اركز ع صور البنات اللي حوله

الرجال لما رجع وشاف الظرف وقف عند الباب ولاعاد تحرك شوي وراح ههههههههههه

ضحكت ضحك ضحكت ضحك حق اسبووووووووووووووووووووووووووووووووووووو وووووووووو ووع كامل

بادبه يعني بادبه

رجع بعد 4 ساعات وانا مسويه ولهانه عليه وكنت اتصل ولا يرد

رجع نام ع طول ولا تكلم

ههههههههههههههههه وضحك بقووووووووووه ضحك

بعد اسبوع حطيت له نفس الظرف من غير صور وكتبت له بالانجليزي <<طبعا بالكمبيوتر لانه بيميز خطي

كتبت له اني برسله كل اسبوع الصور اللي عندي لشقتك

ولما تخلص الصور راح انشرها باليوتوب وكل موقع عربي وبرسل نسخه للملحقيه

لو مانفذت كلامي

هذا رقم حسابي كل شهر ترسلي الفين دولار ولا راح تندم

مسكين انواع التغير في المزاج هههههههههههههه بعدها غير شقتنا ولا قلت شيء ونفس الشيء الرسايل توصله ههههههههههههه بينهبل

رقم حساب كانت لصديقتي العربيه اللي تدرس بالمعهد وقلت لها انه بيجيني تحويل وماابي زوجي يدري عنه

وجاتني وقالت وصلت الفلوس هههههههههههه

رحت وعشيتها باحلا مطعم ومن بعدها كل شهر توصل الفلوس ليومكم هذا ههههههههههه

السالفه ماقلتها حتى لامي اقرب الناس لي <<ماابي احرق قلبها

ولا لصديقاتي ولا لاقرب الناس لي

حتى صاحبة الحساب ماقلت لها لاني مااحب احد يمسك علي شيء او يتشمت بزوجي<<مااقلكم احبه هههه

بس حبيت اكتبها لاني محتاجه اتشمت فيه شوي

هذا غير اني عشت تجربه انقلها لكم

التاديب يا صاحبات الكيد العظيم

بعدها ههههههههههههههه زوجي زي الدجاجه ينام بكير يصحى بكير ههههههههه

والله تغير كثير كثير

وادبته انا ههههههههه

صحيح صحت كثير بس النتيجه 10-10

وبووووووووووووووووووووووووسه كبيره للحاضرات والناقدات

ودمتم بخير

ملتوشه لعيونكم =)

مـــــجــ اخــوها ـــنـنه · #2 (**permalink**) 01-22-2010, 01:04 AM

عرفت تردله الصاع صاعين بس هشي مايرضي الله ... صعبه راح تكون عيشتها معاه كذا على طول هههه والله حرام هههه مسكين من جد ......
عموما تسلمين على القصه الاكشن من جد خشيت جو مسلسل تركي ههههههههههههههههههههه << متأثره ههه
ــــــــــــــــــــــ
يسلموووووووووووووووو يافتكااات .....يااااااكااااايدهم انت يااااخطير ....

علموضوع ...

سُـكوٍن ۧۧ · #3 (**permalink**) 01-23-2010, 12:48 PM

ههههههههههههههههههههههههههاي

قسما بالله بطله هالبنت

منها حشمت زوجها ولا فضحت فيه وثاني شي ادبته عدل

وناسة حيل عجبتني القصة

تشكرات يادوبآ

Saronah · #4 (**permalink**) 01-29-2010, 12:51 AM

ههههههههههههههههههههههههههههههههههه
هههههههههههههههههههههههههه

يسسستااااهل مالت عليه والله

بس ماشاء الله عليها شلون قدرت تتحكم بأعصابها كذا

وشيء حلو إنو كل شهر يزيد حسابها بالبنك خخخ

هذا هم الرجال مايملي أفواههم غير التراب
ولاهي تقول إنه يحبها موت!! ليش يلعب بذيله أجل..

مررررره شمكوره خيتو... استانست بالقصه مرررره

..رجه بس رزه.. · #5 (**permalink**) 01-29-2010, 10:39 PM

ههههههههههههاااااااااااااااي

وربي كفوووو هالبنت وبعدين هو يستاهل

يسلمووووو عالقصه الحلوهـ

رومنسيه بس منسيه · #6 (**permalink**) 02-08-2010, 04:25 AM

ماشاء الله عليها البنت حكيمه وقلبها قوي وجريئه قدرت تتصرف صح..
لو انا بمكانها مااظن اني ابسوي مثل ماسوت

تقبلي مروري

..~نــــونــــو~.. · #7 (**permalink**) 02-10-2010, 05:32 PM

هههههههههههههههههههههههههه

يستاهل اكثر بعد

يسلموووو ع الطرح

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
لو كنتي شمعه ماذا ستختاريـــن ؟؟	بدريه؟؟	الملتقى العام	3	09-19-2009 06:09 AM
تعلمي كيفية عمل البوفيه	ήŦόόLǻ●	المطبخ العام	6	05-16-2009 11:19 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)

مختارات
ازياء \| اناقه \| احذيه \| جديد 2009 \| مجوهرات \| Gucci \| اظافر \| فساتين عرايس \| اطواق شعر \| فساتين سهرة \| مصممين عالميين \| Swarovski \| الثدي \| مراهقة \| الرؤوس السوداء \| شانيل \| اكسسوار الشعر \| عناية بالبشرة \| مخفي العيوب \| بيجامات \| كولكشن \| العناية بالجلد \| فحص الثدي \| قناع \| مجوهرات \| اعراس \| حركات حلوه \| Makeup \| كريمات \| ساعات روعه \| زيوت \| حمام مغربي \| تجميل \| كحل \| اساور \| جمالك \| شعرك \| جلابيات \| سكارفات \| الظفيره \| الفازلين \| عدسات \| مجفف الشعر \| الماسكرا \| مرض الثعلبة \| دليل العطور \| وصفات منزلية \| ليلة زفاف \| أروع المناكير \|